37 ára gamli Claes Kronberg kom til KÍ í 2021 og 2024 verður sostatt fyrsta árið, har hann ikki vinnur FM. Hann hevur spælt ein stóran leiklut øll hesi árini. Hann hevur víst seg sum ein fjølbroyttan leikara, sum kann røkja nærum øll pláss á miðvøllinum og báðar bakkarnar. Móti HB seinast spældi hann ein góðan dyst á vinstra bakki. Claes er høgt í metum í hópinum og er ein leiðari á og uttanfyri vøllin.

Tá Norðlýsið í vikuni spurdi elsta leikaran í KÍ-hópinum, hvar hann spælir í 2025 var svarið, at hann í summar gjørdi ein eitt ára sáttmála við KÍ. Tað hevur bara ikki verið alment frammi. Tískil minkar listin við leikarum uttan sáttmála við einum.