Reisigildi á Viðareiði
Viðareiðis Kommuna er ein barnavinarlig kommuna, og mong børn búgva av tí sama har. Børnini seta stóran dám á gerandisdagin í landsins norðastu bygd, og fyri ikki so langari tíð síðani var skjøtul settur á at gera nýggjan dagstovn í bygdini. Norðlýsið var við, tá reisigildi var fyri nýggja dagstovninum á Viðareiði, og fekk orðið á Maritu Sumberg, borgarstjóra
Arbeiðið við at gera dagstovnin byrjaði 6. juli í 2023, og í dag, 17. september 2024, er dagstovnurin so innilokaður og verður tí reisigildi hildið. Bygningurin er 475 m² til støddar og skal kunna hýsa 48 børnum. Helvtin av teimum eru vøggustovupláss, soleiðis at skilja, at har skulu vera 2 vøggustovur við plássi til 12 børn í hvørjari, og síðani verður ein dagstovnastova við plássi fyri 24 børnum.
Dagstovnurin er gjørdur eftir lendinum, har hann liggur, og eitt hegn verður sett upp, har børnini kunnu vera trygg og spæla úti. Tað fer eisini at vera møguligt fyri børnini at koma út í náttúruna, men tá verður tað sjálvandi undir eftirliti.
Byggingin er framtíðartryggjað á tann hátt, at skuldi dagstovnurin einaferð víst seg at gjørst ov lítil, er lagt upp fyri, at til skal bera at byggja eina lon afturat upp í hann, sigur borgarstjórin, Marita Sumberg, at enda.
Ætlanin er at taka dagstovnin í nýtslu innan fyri 2 ár.
Kristian Martin Juul, stjóri í Juul sum hevur verið høvuðsarbeiðstakari saman við Maritu Sumberg, borgarstjóra