Ímun til undangongumenninar, so hevur Magnus Powell úr Svøríki nógv fleiri royndir frá hægri stigi sum høvuðsvenjari. Hann er eisini útbúgvin sum PRO-venjari. Hann hevur síðstu tvey árini verið høvuðsvenjari hjá Östersunds í næstbestu svensku deildini. Í 2021 var hann venjari hjá 07 Vestur seinna partin av árinum, áðrenn svenska felagið sendi boð eftir honum. Í 2019 var hann venjari hjá Levanger í triðbestu norsku deildini. Í 2018 var hann eitt stutt skifti venjari hjá Sendefjord í bestu norsku deildini. Í 2016 og 2017 var hann venjari hjá Levanger í næstbestu norsku deildini.

Sum leikari spældi hann m.a. við Lillestrøm og Helsingborg. Við hesum seinna var hann við til at vinna svenska meistaraheitið í 1999.Hann var á svenska U17, U19 og U21-landsliðnum sum leikari.