Um ætlanina sigur Ann Sølvia Selmarsdóttir Purkhús soleiðis: “Verkætlanin eitur Heritage at risk: The effect of forestry on archaeological sites and cultural landscape in three Nordic countries. Verkætlanin er eitt samstarv millum trý norðurlond, úr Íslandi Institute of Archaeology. FSI, Norra, The Norwegian University of Science and Technology, NTNU, í Føroyum Fornfrøðideildin á Tjóðsavninum.

Høvuðsendamálið er at kanna, hvussu vøkstur, serliga trævøkstur ávirkar fornminni. Við at samstarva við Norra  og Ísland fáa vit í  føroyum vitan og innlit um, hvussu støðan er í hinum londunum við trævøkstri og fornminnum og hvat fyri lógir, reglar og vegleiðingar eru galdandi. Innan fornfrøðina í Føroyum eru fornminni og ávirkanin av trævøkstri ikki nógv kannað og tí hava vit valt nøkur økir út at gera kanningar við georadara og eisini at gera nýggjar dronuskrásetingar,  millum annað Úti í Grøv í Klaksvík og Við Prestá á Skála. Í hesum økjum eru bæði fornminni og trævøkstur, tí er gott at fáa kanna hesi øki.”

Sum skilst, so røkka georarara kanningar á leið 3,5 metrar niður í undirgrundina har radarin kann skráseta møguligar trærøtur og annað. Áhugavert verður at síggja úrslitið av hesum kanningum og fyri okkum, ið hava stóran áhuga í víkingatoftunum har, fara nýggjar dronuskrásetingar møguliga at koma við nýggjari vitan um toftir úti í Grøv.