Fyri at stilla upp skulu tey, sum stilla upp til Eldraráðið, vera 60 ár ella eldri sjálvan valdagin. Atkvøtt verður millum persónarnar, sum skrivliga hava boðað kommununi frá, at teir stilla upp.

Valskeiðið gongur frá 1. jan. 2025 til 31. des. 2028. Kundi tú hugsð  tær at stilla upp, skalt tú fylla út eina valevnisfráboðan. Hetta skjal fæst á skrivstovunum hjá kommununum í Norðoyggjum ella á heimasíðuni hjá NBH, www.nbh.fo/oydubloed/

Saman við valevnisfráboðanini skulu undirskriftir frá minst tveimum stillarum fylgja við, sum eisini lúka treytirnar fyri valrætti til Eldraráðið. Eingin kann vera stillari fyri meira enn eitt valevni. Fráboðanin skal latast einari av skrivstovunum í kommununum.

Valevnisfráboðanir mugu vera einari av kommununum í hendi í seinasta lagi mánadagin 15. okt. 2024.  Hetta skjal fæst á skrivstovunum hjá kommununum í Norðoyggjum ella á leinkjuni her. Valevnisfráboðan og stillaralisti til eldraráðsvalið 2024

Persónar á innkomnu valevnisfráboðunum verða førdir á eitt samlað yvirlit, ið verður almannakunngjørt. Eldraráðið verður samansett eftir sama leisti, sum stýrið fyri NBH. Valið fer fram sama dag sum kommunuvalið.

Tí skulu veljast hesir limir:

• Klaksvíkar kommuna fær 7 limir
• Hvannasunds kommuna fær 1 lim
• Viðareiðis kommuna fær 1 lim
• Kunoyar kommuna fær 1 lim
• Fugloyar kommuna fær 1 lim

Eldraráðið skipar seg sjálvt. Tey næstvaldu á viðkomandi vallistum verða varalimir eftir galdandi valreglum. Les meira um Eldraráðið og viðtøkur fyri Eldraráðið her: Eldraráðið-NBH