Allir vegir føra til Rom, verður tikið til. Her hjá okkum er talan um býbussin. Líkamikið hvar tú ert í býnum ella uttanfyri Klaksvíkina, so føra allir bussar okkum til miðpunktið í Klaksvík: Sandin. Uppá ein hálvan tíma kemur tú runt í býnum og er tað fantastiskt. Men býrt tú úti á Norðoyri, norði í Ánunum ella í Árnafirði, so mást tú bíða í ein tíma. Tað er ikki gott nokk!  

Tey ungu sleppa ikki ordiliga upp í part í tí sosialu samveruni, sum vit royna at áleggja okkara ungu nú á døgum. Tí mugu vit hava betri busssamband til bygdirnar/býlingarnar uttanfyri Klaksvík. 

Tí er tað eitt av mínum hjartamálum at fáa betri busssamaband til býlingarnar uttan fyri Klaksvíkina. 

Tað hevði verið sjálvsagt, at tann stóri bussurin, sum koyrir runt í býnum, eisini koyrdi út á Norðoyri eisini og steðgaði har í fimm minuttir, áðrenn hann koyrdi runt býin aftur. Á henda hátt kunnu vit betra um møguleikarnar at fara við børnunum í Útistovu úti í Grøv, Fjallafípuna og Baldursbrá úti á Norðoyri, og síðani sleppa heim aftur í býin. Av tí sama, kunnu vit eisini hjálpa til, at tað blívur grønari fyri kommunua við at lata bilarnar standa heima.  

Tað eru heldur ikki allar familjur, sum hava 2 bilar. 
  
Lonnie Bengtsen 
Valevni á Lista D.