Hvat er so hent hesi seinastu fýra árini? Treyðugt so, at okkurt er blivið liðugt, men enn er nógv eftir, sum liggur á láni. Men fyri at nakað skal bera til, so má tað fíggjarliga grundarlag vera til staðar. Um vit hyggja inn á  “Kommunan í tølum”, á heimasíðuni hjá Klaksvíkar kommunu, so ber lætt til at fáa yvirlit fíggjarstøðuna.

Viðheft havi eg nøkur lyklatøl, ið vísa myndina síðan 2015. Tað er so sólarklárt, at kommunan hevur livað yvir evni í nógv ár. Tað býráð, sum tók yvir og skuldi fáa skil á fíggjarstøðuni, eigur at hava torført við at sannføra nakran um, at støðan er nakað frægari nú.

Raksturin øktur

Tað, sum fellur mær í eyguni er, at raskturin er øktur so nógv, at møguleikarnir at gera nýggjar íløgur eru ógvuliga avmarkaðar. Eisini er tað eyðsæð, at kommanan í fleiri ár hevur brúkt væl omanfyri tað, sum er komið inn í kassan.

Kringvarpið tekur væl samanum samanlagda úrsliti av fíggjarpolitikkinum seinastu árini:

“Tað er eingin loyna, at Klaksvíkar kommuna skyldar nógv. Kommunan skyldaði 358,5 milliónir krónur við árslok 2023, men hevur tikið meira lán, skuldin er nú, sambært Føroya Váðaráð, 450 milliónir krónur – eins nógv sum hjá Tórshavnar kommunu”.

Gevið gætur, at roknskaparárið 2024 er ikki liðugt.

Skert kappingarføri

Kappingarførið við arðar kommunur er heldur ikki nøktandi. Barnafrádrátturin er 6.500 krónur, sum er væl niðanfyri tær 8.000, sum er miðal fyri allar kommunur í Føroyum. Eisini er skattaprosentið í hægra endanum, 20,75 prosent, sum er væl omanfyri tey 20 prosentini, sum er miðal fyri allar kommunur í Føroyum - og langt omanfyri tað, sum borgarar hjá Tórshavnar kommunu, sum rinda 19 prosent í kommunuskatti.

Tað hevur eisini kraft síni offur, millum annað, tá ið ein navnframur politikkarir gjørdi eina fíggjarliga fintu fyri at fáa kabalina við Biskuptorgið at ganga upp. Í 2003 bygdi kommunan 24 bústaðir til eldri Undir Kráarbrekku, fyri síðani at avreiða ræðisrættin til Bústaðir tíggju ár seinni. Tað er ikki góður eldrapolitikkur!

Verandi fíggjarpoltiska gongd kann ikki halda áfram, vit eru vorðin alt ov sárbær. Nú mugu vit aftur til skilagóðan fíggjarpolitik!

”Aftur til tæring efter næring!”

Hjalmar Zachariassen

X við Sjálvstýri

Keldur:

https://www.klaksvik.fo/kommunan-i-tolum