2024 var sum heild eitt gott ár, hóast myrk skýggj nú eru farin at síggjast í havsbrúnni. Tað skal tí vera okkara vón, at øll tit, sum lesa hetta, koma heilskapað og við góðari heilsu gjøgnum árið 2025, og at vit fara eitt sindur ríkari úr 2025, enn vit nú gera úr 2024 – tað veri seg heilsuliga, mentanarliga ella fíggjarliga. Má komandi árið gagnast tykkum væl.

Siður er at geva eitt nýggjárslyfti, og lyftið frá Norðlýsinum er, at eisini í 2025 fer blaðið at verja lokalu áhugamálini her norðuri. Hetta verður gjørt í viðurkenning av, at tað er minst líka stórur tørvur á tí, sum tá ið Norðlýsið varð sett á stovn fyri 110 árum síðani.

Av hjartanum eitt gott nýggjár, øll somul!