Húsið og Listarok
Ungdómshúsið í Klaksvík (Húsið) fær nógv vitjandi ígjøgnum vikuna. Seinnapart gerandisdagar plaga umleið 80 børn at vitja Húsið. Hesi børnini ganga í 3. flokki til og við 7 flokk. Um kvøldarnar vitja nógv ung frá 7. flokki og eldri í Húsinum, men av tí at árliga játtanin frá Klaksvíkar kommunu er ov lítil, so strekkir tað ikki til, at Húsið kann hava opið allar gerandisdagar fyri teimum ungu
Verkætlanin Listarok er eitt tilboð til børn og ung, har tey í Húsinum hava møguleika, at fáa upplæring í tónleiki. Fleiri bólkar eru sprotnir úr Listarok, og her kunnu td nevnast Adrenaline, Attika og Anua. Hvør minnist ikki, hvussu teir ungu spírarnir úr Anua tóku Varpið við storm, á heiðurskonsertini hjá Straight Ahead!? Ella hvussu Adrenaline hevur fingið áhoyrarafjøldir kring landið at kóka! Hesir bólkarnir hava nærum ongar umstøður at venja í, og tað kann ikki góðtakast!
Verði eg valdur, so fari eg at arbeiða fyri, at Húsið kann hava opið allar dagar í vikuni! Soleiðis at okkara ungdómar altíð er í tryggum og góðum hondum. Og at spírandi tónleikarnir fáa neyðugu umstøðurnar, at menna seg og síni listarligu evnir! So um tú eisini ynskir tað, so hevði tað glett meg, um eg fekk títt álit tann 12. November.
Við Javnaðarkvøðu
Súni Anthoniussen / listi C