Barnabøkur, list og jólahugni
Sunnudagin 22 des. kl. 15 verður Gallarí Á Stongunum karmur um eina vakra og spennandi verð, har bæði børn og vaksin kunnu fylla eygu og oyru við alskins nýskapandi og fólksligari list.
Afturat tí klassisku framsýningini við Astri Luihn, Bjørg Mohr, Edith Mørkøre, Helgu Djurhuus, Gvøðny Áarstein, Ellinor Mercedis og Eli Smith fara ungu listakvinnurnar, Eydna J. Steinberg og Rakul Ró Steintórsdóttir, at leggja fram tvær nýggjar litfagrar barnabøkur og prýða gallaríið við nøkrum útvaldum tekningum.
Í samband við hesa serframsýningina fara tær tríggjar musikalsku systrarnar Evy, Victoria og Paula á Lakjuni at syngja og spæla nøkur jólaløg. Eisini fer Steintór Rasmussen at framføra nakrar hugnaligar jólasangir saman við Williami Niclassen, sum fleiri kenna frá videolagnum “What if it were me.” Øll eru hjartaliga vælkomin!