Hóast lágárstíð er fyri innlatan av ársroknskapum, er talið av innlatnum roknskapum støðugt vaksandi hesa tíðina, framgongur av roknskaparportalinum Business-line, www.bl.fo.

Haldarar av roknskaparpotalinum www.bl.fo hava lagt merki til, at nýggir roknskapir síggjast nærum hvønn dag í skipanini. 

Ein orsøk til hetta er, at ein partur av partafeløgunum hava forskotið roknskaparár og hava sostatt aðrar freistir enn tey feløg sum hava álmanakkaárið sum roknskaparár. Onnur orsøk er, at fleiri feløg eru tíðliga úti við sínum roknskapum, serliga tey, ið hava góð úrslit at vísa á.

Verður hugt at gongdini hjá virknu feløgunum, ið longu nú hava avgreitt sínar roknskapir fyri 2024 sæst, at jaliga gongdin tey seinastu árini hevur hildið fram í 2024. Sum dømi kann nevnast, at heilsølu- og útgerðarfeløg í Klaksvík høvdu sera gott úrslit í 2024.

www.bl.fo er í stóran mun ein almennur portalur, har øll hava atgongd at síggja fíggjarligu gongdina, umframt vinnuskránna hjá partafeløgunum, ið inniheldur upplýsingar um nevnd, stjórn, eigarar, partapening, o.a.