Tá Jólaskipið kom á Klaksvík varð eisini Ársins Rósa vald. Karl Johansen bar fram grundgevingarnar og stórur spenningur var hvør tað mundi verða. Men sum hann greiddi nærri og nærri frá mundi tað gerast øllum greitt hvør tað var. Borgarstjórin endaði við at siga "og Ársins Rósa er Helena Venzelsdóttir Kallsberg" og so fóru øll tey mongu at klappa. 

Helena vann eina gávukurv, vásar frá Gallerí Helgi og ein gávukekk á 20.000 krónur

Jólamenninir undirhildu síðani við teirra skemti og tónleiki. Børnini sungu væl við øllum rokkinum. Síðani vóru jólapakkar til øll børnini givin. Tað mundu fara eini 1600 pakkar út. 

Tiltakið vardi líka yvir ein tíma og tá liðugt varð, so fór at regna, men tá vóru tey flestu farin í hvør sína ætt. 

Nevndin í Føroya Sjómannadegi vil ynskja Helenu V. Kallsberg hjartaliga til lukku við heiðrinum sum Ársins Rósa. Takk til Karl Johansen fyri at handa Ársins Rósu. 

Okkara virksemi er hjálparleyst uttan okkara mongu góðu stuðlar sum vit vilja takka:

• Norðoya Sparikassa
• Christian í Grótinum
• JFK
• Klaksvíkar kommunu
• Føroya Banki
• Mikkjalson flutningur
• Búrhella
• Klaksvíkar Sløkkilið
• Norðoya Bjargingarfelag
• og øllum hjálparfólkunum

At enda vilja vit ynskja øllum eini gleðilig jól og gott nýggjár!