Landsstýrið hevur tikið eitt lán á 350 mió. kr.
Landsstýrið tók 10. januar eitt lán á 350 mió. kr. Lánið er eitt 15 ára lán og rentan er 3,55%. Lánið skal nýtast til at rinda aftur lán, sum fellur til gjaldingar 2. juni 2025
2. juni 2025 fellur eitt lán á 1,645 mia. kr. til gjaldingar. Landsstýrið kann eitt ár frammanundan, at eitt lán fellur til gjaldingar, taka lán til endurfígging. 1. juli 2024 tók landsstýrið eitt 15-ára standandi lán á 900 mió. kr. við eini effektivari rentu á 3,624%. 10. januar í ár tók landsstýrið aftur eitt 15-ára standandi lán, hesa ferð á 350 mió. kr., til eina effektiva rentu á 3,55%. Bæði hesi lán skulu brúkast til at rinda aftur lánið, sum fellur til gjaldingar 2. juni 2025.
Í mai verður væntandi aftur ein lántøka framd, tá tað sum restar í, tað er 395 mió. kr. verður tikið í láni afturat.