Í samband við føðingardagin sendu vit beinleiðs útvarp frá kl. 10 til 17.

Altíð vælupplagdi Kristian Joensen var vertur og tosaði hann millum annað við Oliver Joensen, fyrrverandi blaðstjóra og Elsu Joensen. Tey tosaðu um søguna hjá Norðlýsinum og hvussu nógv Norðlýsið hevði fylt í teirra lívið. 

Eisini tosaði Kristian við Eirikur í Jákupstovu, landsstýrismann í mentamálum, sum harvið varðar av føroysku miðlunum. Formaðurin í Fólkaflokkinum, Beinir Johannesen var somuleiðis við í sendingini. 

Karl Johansen, borgarstjóri í Klaksvíkar tosaði eisini við Kristian og umrøddi millum annað hvussu stóran týdning Norðlýsið hevur fyri Klaksvíkar kommunu. 

Kringvarpið vitjaði eisini og vóru vit í tveimum samrøðum við ávíkavist Hansu Hansen og Biritu Matras Petersen. 

Ein sera góður dagur við nógvum vitjandi og tað vilja vit takka mikið fyri og eisini øllum heilsanunum vit fingu á degnum.