Soleiðis var eisini hesaferð við hátiðarløtu í neystinum hjá Klaksvíkar Róðrarfelag. Boðin varð suppa, kaffi og kakur og eisini kundi tú keypa tær ein lutaseðil.

Sonja Kjølbro, forkvinna í Klaksvíkar Róðrarfelag segði nøkur orð um nýggjasta bátin í flotanum, Fípan Fagra,  sum kom seint í 2024 og er nú liðugt gjørdur av røskum sjálvbodnum kreftum í felagnum, sum eru nógvar av.

Tað tekur tíð frá tí at bátasmiðurin letur bátin frá sær, til báturin er róðrarklárur, og tað er hann so nú.

Hópin av fólki var eisini komið saman at ynskja felagnum og bátunum góðan byr.

Síðani varð nýggja Fípan Fagra sjósett, signað og rógvu tey tríggjar ferðir við sólini, áðrenn tey hildu út frá saman við hinum bátunum, sum eisini heilsaðu teimum.

Hiðani verður ynskt besta eydna og gott summar!