Hugnaløta er vanliga fyrsta fríggjadag í hvørjum mánaði frá september og fram til páskir ella so. Hesaferð er gesturin Eyðun Eliassen. Eyðun er úr Mikladali, men býr á Trøllanesi, har hann er bóndi.

Hvønn sunnu- og halgidagsmorgun lesur Eyðun í Mikladals kirkju, har hann er deknur, eins og pápin og abbin vóru í mong ár.

Eyðun fer at hugleiða um lívið á bygd og í býi. Hann er góður eygleiðari, dugir væl at síggja samanhangir, munir og broytingar í samfelagnum - og dugir væl at taka til.

Á hugnaløtuni fáa vit eisini ein góðan drekkamunn, syngja nakrar sálmar saman, og prestur endar við stuttari andakt.

Øll eru hjartaliga vælkomin!