Hevur Sjúkrahúsverk Føroya virkað, sum tað skal, og sambært tí leiðslubygnaði, sum politiska skipanin ásetti í 2017, hevur sjúkrahúsverkið seinastu 8 árini havt eitt felags leiðslutoymi, har stjórarnir á Klaksvíkar Sjúkrahúsi, Suðuroyar Sjúkrahúsi og Landssjúkrahúsinum hava virkað sum toymisleiðarar – tó hevur stjórin á Landssjúkrahúsinum havt forrang sum forstjóri.

Tað merkir, at teir báðir eftirverandi sjúkrahússtjórarnir eru nógv best skikkaðir til at gerast forstjórar, tí teir hava longu havt leiðsluna av samlaða sjúkrahúsverkinum um hendi í fleiri ár. Av hesum báðum best skikkaðu hevur Alexandra á Dul verið longst og hevur tí fyrimunin við at hava drúgvari royndir.

Og tá ið talan er um eitt leiðslutoymi, so nýtist ikki at vera neyðugt at lýsa eftir nýggjum stjóra; 2/3 av leiðsluni er framvegis intakt, og verður Alexandra á Dul sett sum forstjóri, kann tann síðsti toymislimurin fáast til vega við at uppnormera varastjóran á Klaksvíkar Sjúkrahúsi til stjóra har.

Tað tykist tí at vera at fara yvir um ánna eftir vatni, um søkjast skal eftir einum heilt nýggjum forstjóra, tá eftirverandi toymislimirnir í leiðslutoyminum bæði hava førleikarnar og royndirnar til starvið. Ongin umsøkjari, sum møguliga søkir, hevur somu royndir við júst Sjúkrahúsverki Føroya, sum tað er skipað síðani 2017. Ikki uttan so, at ein av fráfarnu stjórunum á antin Landssjúkrahúsinum ella Suðuroyar Sjúkrahúsi søkir aftur, men sjálvt ikki teir hava somu drúgvu leiðsluroyndir í føroyska sjúkrahúsverkinum, sum Alexandra á Dul hevur.

Í hesum nýskipanartíðum er ikki neyðugt at fartast yvir um á eftir vatni ella at uppfinna djúpa borðiskin av nýggjum. Als ikki, tá frægasta loysnin liggur líka til høgrabeinið.