Pensjónsaldurin hækkar ætlandi til 69 ár, men framvegis ikki hjá Løgtingsfólki.

Vit kunnu ganga út frá, at verkamannaflokkurin (Javnaðarflokkurin) er 100% fyri at javnseta øll.

Miðflokkurin helst eisini, ti Jesus lat ongan sita eftir.

Framsókn hevur ikki tosað um annað enn hækking, so har er nokk eingin ivi heldur.

Tjóðveldi tosar um tjóðarbygging, eingin ivi.

Fólkaflokkurin og Sambandi eru syngjandi í minniluta longu her, um tey so vóru 100% ímóti (tað eru tey helst ikki).

Hvørji eru hesi vesalavætti, sum ikki halda seg vera eins og øll onnur?

Og ikki koma við hasum barnsligu undanførslunum, at nógv er broytt bla bla bla.

Harra Løgmaður, um tað so er tað síðsta tygum gera. Vís Føroya fólki ta minstu virðing, og navngev hvør er betri enn øll onnur. Hvør vil ikki javnsetast við sítt egna fólk; vilja tygum?

Vónbrotin føroyingur, ið elskar Føroyar.