Tað var spæl uppá eitt mál, tá KÍ hevði vitjan av ÍF.

KÍ-venjarin Magnus Powell hevði rist í posanum og tí vóru bara fýra-fimm leikarar frá byrjan av teimum, sum vanliga byrja inni. Tí var tað ikki eitt samanspælt lið, og tað gekk ein løta hjá KÍ at fáa hol. Men so gekk eisini skjótt og báðir álopsleikararnir, sum fingu møguleikan frá byrjan, Erlend Hustad og Dávid Reynheim, vóru millum málskjúttarnar í fyrra hálvleiki. Tað endaði 6-0 til KÍ.

Teir lokalu fingu minuttir

Ein slíkan dyst er tað sum vit hava skrivað um ofta áður eitt gylt høvið at geva teimum ungu lokalu leikarunum minuttir, tí nær skulu teir annars fáa møguleikan. Jákup N. Vilhelmsen, Páll Müller og John Ziska Joensen komu allir á vøllin í seinna hálvleiki, stóu seg væl og tað merktist á áskoðaraplássunum. Fleiri av lyklaleikarunum hjá KÍ vóru als ikki í hópinum og sum heild var hetta ikki ein dystur, sum kravdi tað stóru orkuna av KÍ, sum tí eigur at verða væl fyri til uppgávuna á Argjum mánakvøldið, ið gott kann fara at vísa seg at blíva tann torførasta hjá KÍ har síðani minniliga dystin í 2016 soleiðis sum AB og KÍ hava avrikað í ár.

Málini skutu: Erlend Hustad, Árni Frederiksberg, Dávid Reynheim, Hampus Nesstrøm og Deni Paulovic. Og eitt sjálvmál.