Orsøkin til samanleggingina er, at fyritøkurnar hava felags áhuga í at bjóða sínum viðskiftafólkum eina enn breiðari og betri tænastu. Fyri viðskiftafólk fer samanleggingin at merkja, at nýggja fyritøkan verður ein one-stop tænastufyritøka - eitt sonevnt full-service bureau – ið fevnir um allar tænastur innan strategiska ráðgeving, sniðgeving, samskifti, marknaðarføring, heimasíður, skeltaframleiðslu, básar og innan- & uttandura lýsingamiðlar.
 
Samanleggingin førir við sær, at allir førleikar verða savnaðir í einari eind, og tað gevur í sjálvum sær eina synergieffekt. “Ongastaðni í landinum finnur tú so nógvar førleikar av hesum slag í einum virki,” sigur Poul
Clementsen, stjóri á Team85. 

“Fremsta málið hjá nýggju fyritøkuni er at gerast heildarveitari hjá føroyskum vinnulívi á heimamarknaðinum, og harnæst at hava neyðuga førleikan at fylgja føroyskum fyritøkum á leið út í heim,” sigur Christian Nagata, stjóri á Reproz. 

Nýggja fyritøkan hevur longu latið upp skrivstovu í Reykjavík og húsast saman við Japonsku sendistovuni, Apple Computer og Icelandic Stock Exchange. 

Í nýggju fyritøkuni fara at starvast um 35 fólk við hollum royndum og førleikum á øllum kjarnuøkjunum. 

Nýggja fyritøkan er partur av Nema-samtakinum, ið veitir fullfíggjaðar tænastur innan KST, skrivstovu og  samskifti til føroyska vinnulívið. 

Vinaliga,
Christian Nagata og Poul Clementsen