Kvinnurnar hjá KÍ vunnu 4-2 í Gundadali seinnapartin. Støðan í hálvleikinum var 2-0 til KÍ. Málini hjá KÍ skoraðu Sanna Jacobsen (2), Rannvá B. Andreasen og Malena Josephsen. 

KÍ hevur fult stigatal fyri tríggjar dystir. Men har skal sigast, at KÍ enn ikki hevur møtt teimum báðum liðunum, sum saman við KÍ av teimum flestu væntast at fara at mynda toppin. Men tað verður komandi umførini. Næsta umfar skal KÍ spæla ímóti meistarunum EB/Streymi/Skála og umfarið aftaná móti HB.