Tom Saintfiet hevur fingið sekkin sum landsliðsvenjari hjá Malta. Orsøkin er ógrundað heldur hann, tí hon er, at hann skal hava søkt um annað venjarastarv, meðan hann hevur verið í starvi sum landsliðsvenjari hjá Malta.

Tom Saintfiet var í 2002 og 2003 venjari hjá B71. Hann var eisini einaferð og royndarvandi sum leikari hjá KÍ og í Klaksvík bleiv hann kallaður ''Tom belgiarin''. Tom skrivar á sínum facebook vanga, at hann avvísir, at hava søkt um annað starv ella verið í nøkrum øðrum starvi, meðan hann hevur verið landsliðsvenjari hjá Malta, og hevur dokumenterað tað. Hann sigur, at tað er trist at vera raktur av ''fake news'' og nú er sín sakførari settur á málið.

BBC skrivar, at Tom skal hava søkt um starvið sum landsliðsvenjari hjá Cameroon. Hann hevur frammanundan verið venjari hjá fleiri landsliðum.

Føroyar skuldu møta Malta í Nations League seinni í ár, men tað verður nú ikki ímóti fyrrverandi B71 venjaranum, sum bara fekk tríggjar dystir í starvinum.