Henrik Old: Lønin hjá stjóranum í Vága Floghavn lækkað 30.000 kr. um mánaða
Í samband við stjóraskiftið í Vága Floghavn, bleiv avgerð tikin um at lækka lønina hjá stjóranum úr 90.000 kr. um mánaðin niður í 60.000 kr. um mánaðin. Landsstyrismaðurin í samferðslumálum, Henrik Old, sigur at tað hevur týdning, at almennu leiðara lønirnar eru rímiligar og sambært honum eigur eingin hjá almennu Føroyum at fáa hægri løn enn løgmaður.
Norðlýsið skrivaði í gjár um stjóran í P/F Visit Faroe Islads, sum fær kr. 66.000,- um mánaðan við pensjón + 8.000 kr. sum nevndarlimur í almenna partafelaginum POSTA.
Eingin eigur at fáa meira enn løgmaður
Fyri kortum sendi Samferðslumálaráðið út tíðindaskriv um ferðafólkagjaldi hjá Vága Floghavn, har boða varð frá:
...Í samband við stjóraskiftið er gjørt av, at lønin hjá stjóranum lækkar......
Landsstýrismaðurin í Samferðslumálum sigur soleiðis um avgerðina:
Fyrrverandi stjórin í Vága Floghavn fekk kr. 90.000,- um mánaðin og haldi eg at hetta er órímiligt. Tá vit settu nýggjan stjóra fyri kortum varð avgjørt, at seta lønina niður til kr. 60.000,- um mánaðin.
Eg haldi ikki at nakar almennur leiðari eigur at fáa hægri løn enn Føroya Løgmaður, og eg haldi at tað er sera týdningarmikið at vit halda lønarútreiðslurnar hjá tí almenna á einum sømiligum støði, sigur Henrik Old í stuttari viðmerking.