Sambært stjóranum í Visit Faroe Islands, hevur hon fingið umleið kr. 50.000,- um mánaðin øll árini eisini tá felagið varð alment.

At grannskoðari felagsins hevur broytt mannagongd og hevur bóka pensjónina uppá lønina okkurt árið og ikki øll, er ein tekniskur spurningur.

P/F Visit Faroe Islands fór at virka sum alment partafelag í 2015, og sambært roknskapunum fram til 2017, sum eru alment atgongiligir, staðfesti Norðlýsið at lønin hjá stjóranum, Guðri Højgard var hækka á hvørjum árið:

2017      kr. 796.654    

2016      kr. 777.853   

2015      kr. 593.887

Norðlýsið bað eisini formannin í P/F Visit Faroe Islands um viðmerkingar til tað sum kom fram í greinini og einasta viðmerkingin var at stjórin hevði gjørt eitt gott arbeiði og var verd sína løn.

Útfrá roknskapartølunum, staðfestu vit at størri partur av lønarútreiðslunum vóru seinastu árini farin til at løna stjóranum.

Men hetta var heldur ikki rætt av tí at uppsetingin av tølunum í roknskapinum eru broytt og tí kunnu tølini ikki samanberast.

Vit skulu tí biðja leiðsluna í P/F Visit Faroe Islands um umbering fyri skeivu útleggingina av roknskapartølunum hjá P/F Visit Faroe Islands.

Stjórin í P/F Visit Faroe Islands fær sambært henni sjálvari kr. 50.000,- um mánaðin (red: +15.000 kr. Í pensjón og + 8.000 kr. sum nevndarlimur í P/F Posta).

Landskassin rindar raksturin.

Hóast talan er um eitt vinnuligt partafelag, eigur landið felagið 100% og  P/F Visit Faroe Islands hevur allar sínar inntøkur úr landskassanum.

2018   17,8 mió. kr. stuðulsjáttan -  stuðul til limagjald 500.000 -    1,5 marka til innlendis virksemi.

2017   13,4 mió. kr. stuðulsjáttan -  sktuðul til limagjald  500.000 -  2,0 mio kr. marka til innlendis virksemi

2016   13,4 mió  kr. stuðulsjáttan

2015    13,4 mió. kr. stuðulsjáttan

2014    12,9   kr. stuðulsjáttan  -  stuðul til limagjald 500.000  -  500.000 stovnsetan av partafelag.