Lýsing
Lýsing

Løgtingsins umboðsmaður hevur onga viðmerking til starvssetanina av yvirportøri

SKRIVAÐ: John William Joensen  |  15.12.2004 - 09:42 Eldri tíðindi

Løgtingsins umboðsmaður er nú komin til eina niðurstøðu av starvssetanini av yvirportøri á Klaksvíkar Sjúkrahúsið

Á heimasíðuni www.lum.fo stendur soleiðis:

Álit viðv. klaguni frá B um starvssetanina av yvirportøri á Klaksvíkar Sjúkrahúsi
Umboðsmaðurin hevur viðgjørt eina klagu um starvssetan av yvirportøri á Klaksvíkar Sjúkrahúsi. Í klaguni var m.a. ført fram, at eingin reel setanarnevnd hevði viðgjørt umsóknirnar, at einki skrivligt tilfar var frá hesari viðgerðini, at setanarnevndin ikki hevði havt fakligan førleika til at meta um umsøkjararnar, at ongar starvssamrøður høvdu verið við umsøkjararnar, at grundgevingarnar til vrakaðu umsøkjararnar ikki vóru nøktandi, og at setanin átti at ganga umaftur.
Umboðsmaðurin kom til ta niðurstøðu, at ein setanarbólkur hevði viðgjørt málið. Hann helt ikki grundarlag vera fyri at finnast at mannagongdini hjá setanarbólkinum og dugdi ikki at síggja, at avgerðin bygdi á ósaklig fyrilit. Umboðsmaðurin hevði tí ongar viðmerkingar til sjálva avgerðina, eins og hann ongar viðmerkingar hevði til, at setanarsamrøður bert høvdu verið við setta umsøkjaran. Umboðsmaðurin staðfesti, at grundgevingin, sum var givin vrakaðu umsøkjarunum í fyrra umfari, ikki var nøktandi. Av tí, at nýggj skriv við nøktandi grundgevingum vóru latin hesum umsøkjarunum, gjørdi umboðsmaðurin ikki meira við hendan spurningin.
Umboðsmaðurin varnaðist, at hóast vrakaðu umsøkjararnir høvdu biðið Klaksvíkar Sjúkrahús um innlit í øll skjølini, høvdu teir ikki fingið innlit í upplýsingar í nøkrum innanhýsis skjølum, sum viðvíktu teimum. Umboðsmaðurin valdi at taka hendan spurningin upp til viðgerðar, og hann gav Klaksvíkar Sjúkrahúsi eina átalu fyri handfaringina av hesari innlitsumbønini.
 
Álitið kann eisini lesast á www.lum.fo
Lýsing
Seinastu tíðindini
Allan Mørkøre skal menna hoyvíkingar kom…
B36 knógvaði sigurin heim í kvøld
KÍ vann stigini í Sarpugerði
Sálarlig heilsa skal uppraðfestast
Team Klaksvík fær vitjan av Neistanum hó…
Heimsins fyrsta marknaðarførings­skipan t…
Leirkerið við nýggjari bók – „Styrki í s…
Minningarhald teirra sjólátnu í Svínoy
Heyst á Áarstovu
Fyrstu valplakatir­nar komnar upp
Amerikanski admiralu­rin Robert Burke á v…
Morgunsangur á Klaksvíkar Sjúkra­húsi
Minningarhald teirra sjólátnu
Havnarlagið dagførast
Skráin fyri allahalgannahaldið á Syðrada…
Endurnýta mold og skilja grót
Botnleysa holið í Marknagili
Løgtingið fingið nýggja heimasíðu
Bryggjan við Grótrætt avhendað
”Nice to have – need to have” - 1% yvir…