10 ár eru liðin, síðan Bókadeildin fór at geva út krabbabøkur, og tað skal hátíðarhaldast. Tey hava verið ófør á Bókadeildini, tí ikki færri enn 290 krabbabøkur eru komnar út síðan 2008. 33 av teimum eru upprunaliga føroyskar. Hinar eru umsettar úr fremmandum máli.

Ta einu av bókunum, sum kemur út í morgin, er um veðrið. Hana hevur veðurmaður okkara, Hanus Kjølbro, skrivað. Hann hevur áður skrivað bók um veðrið, men hesaferð er málbólkurin børn í 12 árs aldri ella har á leið.

Vit ynskja Bókadeildini til lukku við teim 10 árunum við krabbabókum. Somuleiðis ynskja vit høvundunum hjartaliga til lukku við útgávunum í morgin, eingin gloymdur, men ein serlig heilsan fer herífrá til veðurmann okkara.