Lýsing
Lýsing

Fíggjarstýringin hjá býráðsmeirilutanum ikki góð nokk

SKRIVAÐ: John William Joensen  |  23.10.2018 - 09:24 Politikkur Tíðindi

Tað heldur Beinur Johannesen, limur í Klaksvíkar Býráð. Tað kann ikki góðtakast um býráði ætlar at fíggja yvirnýtslu við lántøku í góðu tíðunum, sum vit hava í dag, sigur býráðslimurin. Hann finst eisini av at kommunan ikki hevur megnað at niðurgoldi skuld naka nevnivert seinastu árini.

Norðlýsið skrivaði fríggjadagin, at Klaksvíkar Kommuna hevur brúkt 15 mió. kr. ov nógv í mun til játtanina fyri 2018 í miðbýnum:
 
….Um hugt verður eftir inniverandi fíggjarárið, so vóru játtaðar tvær milliónir krónur til sjóhita skipanina í miðbýnum, men sum Norlýsið nú skilur eru 6,5 mió. kr. brúktar í ár, sum er 4,5 mió. kr. meira enn býráðið hevur játtað.
 
Taka vit so arbeiði, sum kommunan stendur fyri í miðbýnum, økið kring nýggju íbúðirnar, vatn kanal, tvær brúgvar, instalatiónir (frárokna sjóhitaskipanina), vóru 7,7 mió. kr. játtaðar.  Sum skilst eru útreiðslurnar í 2018 heilar 17,5 mió. kr. sum er næstan 10 mió. kr. meira enn játtað er. Sostatt skal býráði játtað umleið 15 mió. kr. meira til arbeiði í miðbýnum í ár…..
 
Fíggjarstýringin ikki góð nokk
Beinur Johannesen, sum er partur av minnilutanum í býráðnum,  sigur at fíggjarstýringin er als ikki nøktandi og tað hevur merkt arbeiði í býráðnum hetta seinasta árið.
 
-  Í januar í ár (2018) fingu vit at vita, sum kunning frá borgarstjóranum, at kommunan hevði brúkt nakrar milliónir mera í miðbýnum í 2017, enn játtað var.
-  Beint áðrenn summarferiuna fingu vit eisini at vita, at meira peningur var brúktur í miðbýnum í ár enn roknað var við. Men samstundis varð sagt at leiðslan arbeiddi við at finna fígging til hetta.
-   Men síðani hava vit einki hoyrt og tað er als ikki nøktandi at vit eins og øll onnur, bara kunnu eygleiða meirnýtsluna  hjá býráðsmeirilutanum frá síðulinjuni.
-   Vit hava enn einki hoyrt um hvussu man ætlar at fíggja meirnýtsluna.  Ætlar man at fremja sparingar, so er tað sera seint at koma við sparingum nú.
-  Vit fara ikki at góðtaka at kommunan skal út at lána pengar, samstundis sum inntøkurnar seta met.
-  Hóast tíðirnar seinastu árini hava verið framúr góðar, hevur kommunan ikki megnað at niðurgoldi skuldina nevnivert og tí er kommunuskuldin áleið á sama støði, sum hon var í 2012.
 
Sjálvsognarstovnur skal eiga handilshølini
Dimmalætting skrivaði fyri kortum at Klaksvíkar Kommuna hevði bundi seg til at keypa
Handilshøli í veghæddini á Biskupstorginum fyri 28 mió. kr. tá íbúðirnar vera tiknar í brúk. Beinur Johannesen, býráðslimur, sigur at enn hevur borgarstjórin ikki sagt hvussu hesin peningurin skal  finnast.
- Vit eru kunnaði um at arbeitt verður við ymiskum loysnum at fíggja yvirtøkuna av handilshølunum, men síðan summarfrítíðina hava vit einki hoyrt.
- Tað er als ikki nøktandi at vit sum býráðslimir ikki eru kunnaðir um hvussu býráðsmeirilutin ætlar at fíggja so stórar peninga upphæddir, sum her er talan um.
- Eg umhugsið í løtuni at krevja málini til viðgerar á býráðsfundi, sigur Beinur Johannesen.
 

Lýsing
Seinastu tíðindini
Veðrið í vikuni
Sjómannadagur í familjun­nar tekni
Gadus siglir heim
Tryggur 2-0 sigur til KÍ á AB
Beautemps-Beaupré úr Føroyum gjøgnum Djú…
Munandi betri avrik hjá flogbóltsmonnunu…
Føroya Sjómannadagur, skráin fyri 15.-20…
Meira um Húsarhaldsskúlan 
Upptakt: AB-KÍ
Rennibreytin tekur skap
Føroya Sjómannadagur mánadagin
Dagføring: Streymslit um alt meginøkið
Elnetið niðri - í besta veðri
AB-KÍ er fluttur tveir tímar
Opið bræv til Fótbóltsamb­andi um dystars…
Kom við á Føroya størstu og einastu staf…
Barsilsbólkur til tey við rúsbundnum f…
Verið varin í ferðsluni, nú skúlarnir by…
Flogbóltsmennir­nir á veg til Estlands
Framløga: Fornminni fram við sjóvamálan