Lýsing
Lýsing

Nú ber til at søkja um stuðul til ferðavinnumenning

SKRIVAÐ: Tíðindaskriv  |  09.11.2018 - 13:33 Tíðindaskriv Tíðindi Vinna

Nú ber til at søkja um stuðul til ferðavinnumenning

Í juli 2018 varð nýggj kunngerð um stuðul til ferðavinnumenning sett í gildi, ið gevur Visit Faroe Islands heimild at lata vinnuligum menningarátøkum innan ferðavinnu fíggjarligan stuðul.

Stuðulsskipanin verður roynd í eitt tíðarskeið og eftirmett í 2019, tá Visit Faroe Islands hevur fingið fleiri royndir við skipanini.

Endamálið við stuðulsskipanini er at birta undir og stuðla vinnuligum átøkum innan ferðavinnu, ið stuðla menningini av eini ábyrgdarfullari og burðardyggari ferðavinnu kring alt landið. Stuðulin verður latin til at seta nýggj tilboð og átøk innan ferðavinnu í verk. Tað ber ikki til at fáa stuðul til íløgur ella rakstur.

Øll hava møguleika at søkja um stuðul, um treytirnar eru loknar, tað verði seg einstaklingar, fyritøkur ella felagsskapir. Sí meira um treytirnar á Vinnusíðuni á heimasíðuni hjá Visit Faroe Islands.

Hvat kann stuðul verða latin til

Allar vinnuligar verkætlanir innan ferðavinnuna kunnu sum útgangsstøði fáa stuðul.

Tað ber til at fáa “persónligan” stuðul til ráðgeving, skeiðsvirksemi v.m. sum partur av hugskots- og førleikamenningini.

Til ber at fáa stuðul til fysiskar hentleikar ella útgerð við teirri treyt, at teir eru “almenn ogn” og tøk fyri øll at nýta. Til dømis kann tørvur vera á eini gøtu, beinkjum, eini atløgubryggju, einum útsýnisstaði ella kunnandi skeltum í samband við, at okkurt nýtt tilboð verður sett í verk.

Umsóknarfreist

Umsókn skal sendast Visit Faroe Islands í góðari tíð áðrenn tiltakið byrjar. Í 2018 er umsóknarfreistin mánadagin 3. desember.

Meira kunning um stuðulsskipanina og vegleiðing um treytir o.a. er at finna á Vinnusíðuni á heimasíðuni hjá Visit Faroe Islands.

Lýsing
Seinastu tíðindini
Sonja Jógvansdóttir á Tjóðveldislistanum
Set ongan eftir
Skótalið Nólsoyar Pálls 75 ár
Mentan­arvikan í Runavíkar kommunu
Núpur góðan túr norð­anfyri
Nógv hýsa og longa á Føroya Banka
Kvikk landar á Kósini í morgun
Ríkisveitingin bjargar 14. september-sam…
Team Klaksvík vann í Kollafirði
Flott Eyðgunn!
Høgni Hoydal og Fiski­mála­ráðið kæra John…
Sum smádrongur raks eg á plenuni í tíð…
Ynskja føroyingar ikki eitt gott heilsu-…
200 ára hátíðarhald á Nesi fyri Hammersh…
Eldrasamkoma í Betesda  
Landstýris­kvinnan í Heilsumálum, skal sv…
Ótrúliga flott í Abu Dhabi
Mjølnir fingu bank
KÍ væl umboðað á A-lands­liðnum
Team Klaksvík í Kollafirði mikukvøldið
Lýsing