Sandshavið hevur fingið royndarloyvi frá Havstovuni at royna á Føroya Banka. Í morgun komu teir aftur við góðum 133.000 pundum á 5 setum. Tað mesta var hýsa og longa. 

Mortan Mortensen er skipari á Kambi og hann hevur fylgt væl við gongdini í línuveiðuni seinastu mongu árini. Mortan sigur soleiðis um túrin hjá Sandshavinum. 

- Ein veldigur túrur, men bara sjey kassar av toski. Tað vil siga at tað ber ikki til at byggja nakran stovn upp við at friðað. Hevði bankin verið opin fyri fiskaríði hesi 10 árini, so veit eg hvør hevði haft skyldina fyri støðuna hjá toskinum, nevniliga fiskimenninir. Tí er tað ein katastrofa at steingja bankan so leingi, har høvdu heilt sikkurt verið nógvir góðir túrar hesi seinastu 10 árini, og møguliga hevði støðan hjá toskinum bara verið betur, sigur Mortan við Norðlýsið

- Tað er ongin ivi í mínari við - latið Føroya banka upp, sigur Mortan at enda við Norðlýsið.