John Tróndheim givið staklag út
Fríggjadagin 4. Apríl gav John Tróndheim úr Klaksvík eitt nýtt staklag út. Lagið eitur "Never Lose Again", og er tað fyrsta staklagið, ið John Tróndheim hevur givið út. John hevur sungið til ymisk tiltøk fyrr, men hetta er fyrsta lagið hann hevur skrivað og givið út sjálvur. John bæði syngur og spælur klaver á lagnum.
Lagið er tikið upp í studio hjá Pætur Gerðalíð í Klaksvik, ið hevur framleitt og skipa fyri tónleikinum, umframt at spæla restina av ljóðførunum. Síðan hevur Kristoffer Mørkøre ljóðblandað í Kris-Stuff studio.
John sigur at hann er sera fegin at fáa sítt fyrsta staklag út og vónar at kunna geva fleiri løg út.
Vit koma vónandi at hoyra meir til hendan unga sangskrivaran í framtíðini.
Um tit ynskja at hoyra lagið er tað bæði her á Youtube https://youtu.be/JTewbxaIfvE og
á Spotify https://open.spotify.com/track/13C7zYDv0XnT4LsCjxCbCb?si=bOGqWcNHR4qPkzEv4R2eSA