Tað var Anfinn Kallsberg, fyrrverandi løgmaður, ið helt flagdagsrøðuna í Vágstúni í dag. Anfinnur hugleiddi um søguna hjá merkinum nú 100 ár eru liðin, síðani merkið sá dagsins ljós. Røðan hjá Anfinni verður at síggja á síðuni her seinni í dag ella í morgin.

Flagdagshaldið í Klaksvík var sera væl fyriskipað, og helst eru tað ár síðani, at so mong hava møtt upp til eitt slíkt hald her. Tað er uttan ivað skótunum, Skótaliðið Nólsoyar Páls og Skótaliðið KFUM &K's" fyri at takka. Skótarnir hava nevniliga ment seg seinastu árini, soleiðis at teir aftur hava kunna savnað nógvar áhoyrarar til hátíðarhaldini teir hava fyriskipað saman við Klaksvíkar Hornorkeystri.

Aftaná hátíðarhaldið í Vágstúni, fingu áhoyrararnir kaffi og ábit í KFUM & K, har vit eisini fingu høvi at stuðlað skótunum við at luttaka í tombola. - Eitt sera hugnaligt og væl fyriskipað hátíðarhald - Stór tøkk til fyriskipararnar.