KRINGVARP FØROYA valdi kioskina á Vaglinum og frávaldu altjóða vinnumessuna í Klaksvík
Hóast tað var sera jaligt at upplivað fagnaðin í høvuðsstaðnum í Degi og Viku gjárkvøldi tá kioskin á Vaglinum lat upp aftur, kundu vit bara enn einaferð staðfesta at tað sum hendir uttan fyri molan í Havn, hevur sera lítlan áhugað hjá almenna Kringvarpinum.
Vit á Norðlýsinum verða mangan skuldsettir fyri at verða alt ov lokalir, men tað skullu vit verða. Trupuleikin er bara at Kringvarp Føroya, sum allir føroyingar eru noyddir at gjalda til, er nógv lokalari enn vit eru.
Í gjár lat stórsligin altjóða vinnustevnan, Atlantic Fair upp í Klaksvík, men enn hevur Kringvarp Føroya ikki nevnt messuna við einum orðið.
Tað sigur ikki so lítið um tey ið stjórna stovninum at man heldur velur at prime-time-news er at vísa poitikarar sum eru uppstillaðir standa, standa í kø at kyssa ein fyrrverandi kioskeigara í Havn, samstundis sum man fullkomiliga ignorerar at Føroya Løgmaður setur størstu altjóða vinnumessuna í Klaksvík, sum nakrantíð hevur verið í Føroyum.
Vit fegnast sjálvandi um at kioskin á Vaglinum hevur fingið eitt ansigtslyft, men vit mugu bara staðfesta: ”Out of sight – out of mind!”
Framhaldsøgan um Kioskina á Vaglinum, sum aftur er í KVF í morgun, men larmandi tøgnin í KVF um flottu altjóða messuna í Klaksvík har vinnufyritøkur úr útlondum saman við føroyskum vinnufyritøkum vísa fram tað besta og nýggjasta sum er á marknaðinum - sigur alt um KVF.