Fjølmiðlanevndin møtist til fundar at viðger kæruna frá Landstýrismanninum um Norðýsið tann 28. Mai
Tann 20. Mars í ár kærdi Fiskimálaráðið Norðlýsið fyri yvirskriftina ”Landsstýrismaðurin í fiskivinnumálum hevur onga lógarheimild at geva undantaksloyvi” í samband við greinarøð um menningarkvoturnar í 2018.
Síðani hevur Norðlýsið svara Fiskimálaráðnum og samskifti hevur verið í trimum umførum millum partarnar umvegis Føroya Kærustovn.
Í morgun váttar Føroya Kærustovnur at Fiskimálaráðið hevur boða frá at tey hava ikki meira at viðmerkja í málinum.
Fjølmiðlanevndin er samankallað at viðgera málið tann 28. mai og so er spurningurin hvussu nógva tíð nevndin skal hava at taka støðu í málinum. Tað kann verða sera ymiskt frá mál til mál.
Í Fjølmiðlanevndini eru fýra limir. Í nevndini sita í løtuni
Jan Sjóstein, løgfrøðingur
Varalimur: Elisabeth F. Rasmussen, løgfrøðingur
Ingrid Bjarnastein, tíðindafólk
Varalimur: Kári Mikkelsen, tíðindafólk
Jens Hákun Leo, ábyrgdarblaðstjóri
Varalimur: Marjun Dalsgaard, tiðindafólk
Anna Paulina Leo Olsen, vísindaligt hjálparfólk
Varalimur: Bárður Larsen, adjunktur