Tá Nevið Reyða vann 8-mannafarsróðurin í dag fingu vit - umvegis KVF - tíðirnar at vita, og sagt bleiv, at tíðirnar vóru:

1. Nevið Reyða 04.43.13

2. Argjabáturin 04.43.23

Tá spurdi viðmerkjarin Ludvík við Stein beinanvegin um tíðina og við at samanbera hana við tíðina hjá 6-mannaførum, sum var 5.19.33 hjá Hvessingi, so staðfesti hann, at onnur tíðin var skeiv. Við at hyggja eftir tíðini hjá 10-mannaførum, so síggja vit, at Ormurin Langi vann við tíðini 4.54.55.

Tí søgdu tíðirnar m.a., at Nevið Reyða róði væl skjótari enn Ormurin Langi, men so er ikki. Við at eftirkanna tíðirnar av róðrinum á kvf.fo, so sæst, at tíðin hjá Orminum Langa er røtt, men at tíðirnar hjá 8-mannaførunum eru skeivar. Við at taka tíð síggja vit, at tíðin hjá Nevið Reyða er áleið 5.01.00.

Niðurstøðan er tí, at Ludvík hevði rætt og at tíðirnar ikki eru eftirfarandi í hesum føri. Norðlýsið hevur sent RSF fyrispurning um, hvat hetta skyldast og um hetta er nakað sum er hent javnan fyrr og eisini fer at henda framyvir.