Vikan upp til dystin í kvøld hevur verið merkt av landsdystum, Europa League lutakasti og leikaraflytingum. Nú er spurningurin, um KÍ-hópurin er fokuseraður uppá eina týdningarmikla og trupla uppgávu á Skála. Júst á Skála hevur KÍ mangan mist stig og sum heild havt tað sera trupult gjøgnum tíðirnar.

KÍ er oddalið í bestu mansdeildini, men munurin er so lítil, at so seint sum í 89. minutti síðsta umfar lá KÍ á einum deildum 4. plássi. 

Hjá Skála eru Edvin Jakobsen og Søren Nielsen ikki tøkir vegna skaðar. Hjá KÍ eru teir nýggju leikararnir, Magnus Stamnestrø og Semir Hadzibulic, ikki tøkir, tí flytingarvindeygað ikki letur upp fyrr enn leygardagin. Jesper Brinck og Óli Ey. Poulsen eru ikki tøkir vegna skaða, meðan Torbjørn Grytten er ivasamur vegna skaða.

Dysturin á Skála í kvøld byrjar kl. 19.00. Dómari verður Kári J. á Høvdanum.