Lýsing
Lýsing

Würth letur upp handil í Havn

SKRIVAÐ: Tíðindaskriv  |  14.06.2019 - 11:53 Tíðindi Vinna

Góða samstarvið við føroyskar handverkarar hevur nú við sær, at Würth leggur enn meira fyri til gagns fyri bæði handverkarar og vinnulív. Nýggi Würth handilin letur upp á Hálsi 18. juni klokkan 12

Fyrsti Würth sølumaðurin varð settur í starv fyri 20 árum síðani og í dag eru 5 sølumenn, sum hvønn dag í árinum koyra út til kundarnar við dygdarvøruni frá Würth. Nethandilin lat upp í ár, og 18. juni letur so handilin til yrkishandverkararnar upp á Smyrilsvegi 4 í Havn.  

- Vit hava havt eitt gott og tætt samstarv við sera nógvar handverkarar í Føroyum í nógv ár. Kundar okkara hava víst okkum álit og samstarvið er bara vaksið seinastu nógvu árini, greiður økisstjórin í Føroyum, Rúni Olsen frá.

- Tí fegnast vit um, at vit nú kunnu leggja enn meira fyri og bjóða kundum okkara fleiri møguleikar. Vit vita, at vit eru einki uttan kundan og stóru framleiðslukrøvini í dag hava við sær, at kundin skal hava fatur á Würth vøruni beinanvegin, heldur enn at bíða eftir at vøran kemur úr Danmark.     

 

Vilja gera mun fyri kundan

Frá fyrsta degi, at Würth kom til Føroya, var úrslitið, at kappingin millum veitararnar vaks og prísirnir á skrúvum, boltum, kemiskum vørum, tólum og øðrum vørum fall. Endamálið við nýggja handlinum er enn einaferð at gera mun fyri kundan. Ein mun, sum merkist í gerandisdegnum. 

- Vit vilja, at Würth handilin verður sjálvsagda staðið hjá kundum okkara at hittast. Eitt gott stað at skifta orð um fakið við samstarvsfelagar, og sjálvsagt at skifta orð við okkum um vøruúrval og tænastu. Tí hava vit hvønn morgun rundstykki á borðinum og kaffi á kannuni og vit skipa javnan fyri skeiðum og øðrum tiltøkum í fundarhølinum, sum er bygt júst til endamálið, greiðir Rúni Olsen frá.

Men vit gevast ikki her, tí fyri Würth er nýggi handilin ein góð lopfjøl hjá felagnum at bjóða enn betri tænastu. Handilin verður ein framúr sýnisgluggi fyri nógvar av loysnunum hjá Würth og í næstum er ætlanin at bjóða kundunum koyring beint á byggiplássið, tá tørvur er á tí. 

 

Gott úrval

Würth handilin fer at hava eitt gott og breitt úrval av vørunum hjá Würth á hyllunum, so sum skrúvur og seym, boltar, arbeiðsklæði og kemi- og trygdarvøru.  

Nadhem Zid, sum verður dagligur leiðari, fer saman við sølumanninum Niels Jacob Heinesen at tryggja kundunum bæði røttu vøruna og góðu tænastuna. 

Würth handilin er á Smyrilsvegi 4, 100 Tórshavn og er opin gerandisdagar millum 7:30 og 16:00.

Øll eru hjartaliga vælkomin inn á gólvið 18. juni klokkan 12, tá Würth handilin alment letur upp. 

 

Würth

Fleiri upplýsingar fáast frá økistjóranum Rúna Olsen á fartelefon 225017

 

Lýsing
Seinastu tíðindini
Hálvfinalan millum HB-NSÍ verður í Klaks…
Fyndin er aftur á gøtuni
Landsfelag Pensjónista hevur raðfest sín…
Diego Maradona er deyður
Framvegis nógv hýsa hjá útróðrarbátunum
Altjóða dagur móti harðskapi móti kvinnu…
Norskur miðil: Ole Erik Midtskogen heldu…
Kommunan og veiðigjøldini
Útróður: Eitt nýtt kapittul
Selma Ellingsgaard á fyrsta sinni í Riba…
Heimabakstur og ítriv, tá hugnin fevnir…
Neyðugt við breiðari semju um veiðigjald…
Meira útróður
600.000 kr. til nýggjan buss til Trivna…
Tíð er til at handla - tíð er ikki til a…
Hvat merkir samgonga, og hvat er ein sam…
Útróðurin - toskurin letur bíða eftir sæ…
Jóla­konsertir: Útselt í Runavík – fá atg…
Mjølnir A vann g14 b bólkin
Hava róð fyri heilsuna