Lýsing
Lýsing
Lýsing

Livir í huga nú minnið um góðan mann

SKRIVAÐ: Róðrarsamband Føroya  |  15.06.2019 - 18:03 Merkisdagar & Kunngerðir Tíðindi

– Poul John Æðustein farin

Tað vóru ófrættaboð at fáa, at Poul John Æðustein var deyður. Ein góður maður hevur lagt árarnar inn. Eitt vinahjarta er sloknað.

Góði Poul John.

Summi menniskju gera ikki so nógv um seg. Fara heldur fram í tí stilla og gera mun, har ið tørvur er. Mest fyri onnur.

Slíkur maður vart tú, Poul John. Hjálpsamur, evnaligur og trúgvur. Gjørdi ikki nógv burturúr, men var vísur um tað góða og hevði altíð stundir til eitt prát og eina hjálpandi hond.

Antin tað var á fundi á bonaðum gólvum ella úti á frontinum í regni og vindi, spleysandi ein enda, í tuflum og einum royki í kinnklovanum. Tá vart tú fullkomin og fell í eitt við landsynningin, hvílandi í sjálvum tær.

Soleiðis fórt tú frá okkum, og soleiðis sakna vit teg. Men tó at brosið er burtur, og hin hjálpandi hondin er ikki meira, so livir í huga nú minnið um góðan mann.

Hvíl í friði, góði Poul John, og takk fyri alt, sum tú vart fyri nevndina í Róðrarsambandinum og fyri kappróðurin í Føroyum.

Jesuspápi styrki tykkum, sum eftir sita.

 

Lýsing
Seinastu tíðindini
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…
Ráðstevnan ið kostaði 250 tús. kr.
Tí skulu vit ráða okkum sjálvum
Fóðurflakin Kleivin opin fyri vitjandi m…
Føroyar ímóti rasismu
Norð­oyastevnan í dag
Kaj Leo skal standa skúlarætt um navnabr…
Stuðla Klaksvíkar Róðrar­felag
Bankarnir gerast alsamt frekari
Símun Absalonsen heldur midnáttarrøðuna
Ein sílatúrur í Vatnsdali við Oyndarfjør…
Solby heldur røðu á norð­oyastevnu
Hotel Brandan letur upp 1. juli
Benkur uppi á Brekkum
SprittFisk - Filmskapping
Núpur landar í dag
Lions 50.000 til talukennara