Núverandi graslíkið á vøllinum við Djúpumýrar, sum bleiv lagt á á sumri 2011, verður tikið av mánamorgunin. Í dag hevði KÍ sína síðstu venjing á hesum graslíkinum. Millum leikararnar, sum fullførdu venjingina, vóru Magnus Stamnestrø og Semir Hadzibulic, sum eru komnir til KÍ í summar. Magnus hevur loyvið at spæla móti TB á jóansøku, meðan tað enn er ógreitt, um neyðugu loyvini hjá Semir koma uppá pláss í nóg góðari tíð til at hann kann spæla komandi leygardag.

Komandi vikuna skal KÍ venja í Leirvík.