Kærustovnurin bíðjar framvegis eftir niðurstøðu hjá fjølmiðlakærunevndini um mál viðvíkjandi menningarkvotunum
Fyri skjótt fýra mánaðum síðan kærdi fiskimálaráði vegna Høgna Hoydal, landstýrismann í Fiskivinnumálum, Norðlýsið til fjølmiðlakærunevndina og í kæruni hótti landstýrismaðurin blaðstjóran og blaðmann ä Norðlýsinum við at leggja skriving hjá Norðlýsinum um politisku útdeilingina av menningarkvotum í 2018 fyri dómstólarnar. Lógarparagrafin sum landstýrismaðurin og formaðurin í Tjóðveldi vísir til í revsilógini kann geva blaðstjóra og blaðmanni upp til tvey ára fongsul.
Sambært Kærustovninum kom fjølmiðlanevndin til eina niðurstøðu í málinum á fundi hósdagin, men nevndin arbeiddi framvegis við málinum.
Í morgun varð sagt at Kærustovnurin væntaði at fáa niðurstøðuna seinri í vikun kanska hósdagin.
———-
Nordlysid.fo tann 27. juni 2019
Menningarkvoturnar framvegis ífjølmiðlakærunevndini
Tann 20. mars fekk Norðlýsið fráboðan frá Kærustovninum, at fiskimálaráðið vegna landstýrismannin hevði kært undirritaða og og blaðstjóran fyri skriving í samband við menningarkvoturnar, ið vóru útlutaðar av landstýrismanninum í 2018.
Tann 20. mars fekk Norðlýsið fráboðan frá Kærustovninum, at fiskimálaráðið vegna landstýrismannin hevði kært undirritaða og og blaðstjóran fyri skriving í samband við menningarkvoturnar, ið vóru útlutaðar av landstýrismanninum í 2018.
Eftirfylgjandi samskiftu partarnir umvegis Kærustovnin í trimum umførum. Tann 24. Mai var samskifti millum partarnar í málinum liðugt og Kærustovnurin váttaði at Fjølmiðlakærunevndin hevði tikið málið til viðgerar.
Í vikuni váttaði Kærustovnurin at Fjølmiðlakærunevndin á fundi í dag fór at leggja seinastu hond á eina niðurstøðu av málinum. Sambært kærustovninum kunnu partarnir vanta at fáa niðurstøðuna fyrst í komandi viku.
Norðlýsið hevur alla tíðina almannakunngjørt alt samskifti í málinum og kann samskifti lesast niðanfyri.