Deni Pavlovic fekk beinleiðis reytt kort á jóansøku, har KÍ tapti 1-0 móti TB. Hetta hendi í 86. minutti, tá KÍ var aftanfyri 1-0. Eftir ein nærdyst skallaði Deni til TB-álopsleikaran Ken Fagerberg. Reyða kortið var mett so álvarasamt útfrá dómarafrágreiðingini, at tað endaði í kappingarnevndini hjá FSF. Og kappingarnevndin hevur avgjørt útfrá vegleiðingini um leikbann (les um hana HER), at Deni Pavlovic skal hava leikbann í seks dystir. Leikbann sum eru yvir tríggjar dystir kunnu kærast til Aganevndina. Vit hava ikki fingið upplýst frá KÍ enn, um ætlanin er at kæra.

Talan er um eitt sera týdningarmikið tíðarskeið, sum Deni kemur at missa. M.a. eru dystir á skránni hjá KÍ móti kappingarneytunum í toppstríðnum B36, NSÍ og Víkingi hesi komandi umførini.

Komandi seks dystirnir hjá KÍ eru hesir:

21.07: KÍ-B36

27.07: NSÍ-KÍ

02.08: ÍF-KÍ

09.08: KÍ-Víkingur

18.08: KÍ-Skála

25.08: EB/Streymur-KÍ

Hetta merkir, at Deni kann spæla aftur 1. september, tá KÍ fær vitjan av HB.