Summarfestiválurin á gáttuni til nýggjar tíðir
Í morgin, hósdagin, verða fyrstu framførðslurnar á Summarfestiválinum 2019. Longu klokkan 14 byrja fyrstu tiltøkini við skrúðgongu. Men longu í kvøld verður skipa fyri einum brellbita á Vágni, har tónleikur verður fyriskipaður frá einum flaka ella eini ferju.
Erik Biskopstø, fyrireikari til Summarfestiválin sigur, at tað gongur sera væl við fyrireikingunum. Í ár hava vit valt at taka av tilboði frá einum nýggjum veitara við atlitið til stóra pall. Pallurin í ár er tann størsti vit hava havt á Vágsbø hesi 15 árini skipað hevur verið fyri Summarfestiváli.
Hvussu verður næsta ár, vita vit ikki rættuliga enn, sigur Erik Biskupstø víðari. Vit hava fingið at vita úr býráðnum, at so skjótt Summarfestiválurin 2019 er av, verður fari undir at grava fyri mentanarhúsinum, ið skal byggjast eisini útá Vágsbø. Hetta fer helst at gera umstøðurnar hjá okkum trengri. Vit eru tí í eini umhugsunarstøðu, har vit hava hugt eftir øðrum økjum, men har vit eisini hava mett um, um vit skulu minka um pallin og sovorði. Men vit mugu nú bíða at taka støðu tí áður enn vit hava sæð hvørjar umstøðurnar verða eftir at arbeiði er í gongd við byggjan av mentanarhúsinum, ber illa til hjá okkum at koma til nakra niðurstøðum, sigur Erik Biskopstø frá Sumarfestiválinum at enda.
Myndirnar niðanfyri hevur Oliver tikið, í meðan Anton Højgaard eigur loftmyndirnar: