Nú verður bøtt munandi um hesa leið, ið verður nógv nýtt, við eini ógvuliga snotiligari trappu, sum KHJ Nýgerð við Karl Hera Joensen ger fyri kommununa. Vangar og trin verða gjørd úr indiskum basalti.

Talan hevur verið um at fáa lagt eina gøtu ella trappu her í eini 30 ár, og nú ber so á mál.

Nógvir ymiskir snøklar fríðka um í býnum, og hóskar henda loysnin væl teirri steinseting og laðinga annars, sum er kring kirkjuna.