KÍ førdi 2-0 og hevði beina kós móti einum sigri fram til stutt fyri hálvleik, tá Skála fekk tvey mál eftir hornasparksstøður. Fyrra málið kom, tá Skála hevði 10 leikarar á vøllinum og sendi fimm leikarar inn í brotssteigin (sí skíggjamynd), har 11 KÍ leikarar vardu fyri. Heðin Klakstein sendi hornasparkið innfyri, har fýra av teimum fimm Skála-leikarunum fingu eina nerting á bóltin uttan, at nakar av teimum 11 KÍ-leikarunum fekk nerting á bóltin. Í seinna málinum hjá Skála sleppur Heðin Klakstein ótarnaður at leggja bóltin innfyri, tí kunning ikki er givin til innskifta Semir Hadzibulic um, hvar hann skal verja í deyðbóltsstøðuni. Tað váttaði Jóannes Bjartalíð fyri FM1 eftir dystin. Bæði málini hjá Skála kunnu síggjast frá 2.36 niðanfyri.