Nógmikið er nú sagt og skrivað. Siglingstíðina havi eg, bláa bókin er tøk – nú veldst alt um reiðaran – veljaran – Føroya fólk, um eg sleppi at seta meg við árarnar á áttamannafarinum, ið liggur niður fyri brúnni, á keipumyndini hjá Óla. Báturin er ikki mannaður fyrrenn áttandi rógvarin, hasin bulmikli eysturoyingurin, er lopin umborð og hevur sett seg á lærbekkin í stýriborði.