Lýsing
Lýsing

Helgi Abrahamsen: BORGARLIG SAMGONGA - einasti møguleikin

SKRIVAÐ: John William Joensen  |  01.09.2019 - 19:03 Politikkur Tíðindi

Hóast ein partur av Sambandsflokkinum var misnøgdur við at Fólkaflokkurin fekk ov nógv av sínum politikki ígjøgnum seinast teir báðir flokkarnir vóru í samgongu og tað kanska eru onkur sambandsfólk, ið hveppa seg við at fara í samgongu við ein so sterkan Fólkaflokk, so skrivar Helgi Abrahamsen, næstformaður í Sambandsflokkinum á sínum Facebook vanga at í veruleikanum er bara møguligt at skipað eina borgarliga samgongu:

Helgi skrivar:

Vit í Sambandsflokkinum hava í valstríðnum ikki viljað sagt, hvørjum vit ætla í samgongu saman við eftir valið. Vit vita, at møguleikarnir fyri eini samgongu við Tjóðveldi eru smáir, og tí stendur valið millum Javnaðarflokkin og Fólkaflokkin. Nakrir av okkara veljarum vilja helst hava eina samgongu við Fólkaflokkin, meðan aðrir heldur vilja hava Javnaðarflokkin. Vit hava tí sagt, at tað er veljarin, sum fyrst og fremst eigur avgerðina.

Nú hevur veljarin talað, og sigast má, at talan er greiðari, enn vit høvdu ímyndað okkum at hon fór at verða.

Sambandsflokkurin og Javnaðarflokkurin hava bara 14 tinglimir tilsamans. Javnaðarflokkurin hevur útilokað eina samgongu við Fólkaflokkin, og tað merkir, at uttan so at Sambandsflokkurin og Tjóðveldi ganga saman, so skulu 4 flokkar til, fyri at skipa samgongu við Javnaðarflokkin.

Sjálvstýri kunnu vit avskriva, tí har situr Kristin Michelsen sum einasti maður, og hann er júst tveittur úr Javnaðarflokkinum, og sigur seg vilja hava Aksel V. Johannesen úr Tinganesi. So er bara ein møguleiki eftir, men hann krevur, at Framsókn og Miðflokkurin finna saman. Tað hendir neyvan.

Á borgarliga veinginum ber til at skipa samgongu við trimum flokkum (ABH ella ABF). Tann seinni av hesum báðum møguleikunum er neyvan møguligur í løtuni, men tað kann tó broytast skjótt, um Poul Michelsen verður fíntaldur úr løgtinginum.

Besti møguleikin í verandi støðu átti at verið ein ABC-samgonga, men her má sigast, at sitandi løgmaður, við at útiloka Fólkaflokkin, hevur málað seg uppí ein krók.

Vit lótu veljaran tala, og veljarin hevur talað. Í verandi løtu er helst bara ein veruligur møguleiki at telja uppí 17. - Men í politikki kann tó alt henda.

Kringvarpi visti at siga at andstøðuflokkarnir høvud havt fund sínamillum í dag, men enn hevur Løgmaður ikki lagt frá sær.

 

Lýsing
Seinastu tíðindini
Mistøk kostaðu dýrt í Dublin
Komið og stuðla Treysti ungdómi
Stórskermur komin upp
Veðrið í kvøld
Klaksvíkin er blá
Kaffisøla og limatilmelding í kvøld
Norðborg: Eg eri ekstremt spentur
Alexandur Petur Sólstein verur níti ár í…
Hug at dansa í vetur?
Írsk upptakt til dystin í kvøld
Val til Eldraráðið
Erla Kongsdóttir sjósett
Fotostudio flutt og vaksið
11 nýggjar pakkastøðir - nýtt samstarv m…
Bert ein ”lítil” viðmerking til Gunvu vi…
KÍ rómur á Djúpumýru
KÍ leikarar­nir farnir gongutúr
Rehabilitering í heimsflokki á Klaksvíka…
Tummas: Fara á vøllin við øllum føroying…
Tit eru fantastiskir, KÍ!