Lýsing

Ikki rætt at stórur partur av innsavnaðum peningi ferð til umsiting

SKRIVAÐ: John William Joensen  |  09.09.2019 - 08:31 Tíðindi

Jóannes Eidesgaard, formaður í Reyða Krossi Føroya: - Nú Landsinnsavningin hjá Reyða Krossi Føroya hevur verið, hava eg og mong við mær enn einaferð møtt tí afturvendandi atfinning, at vit brúka mesta partin av innkomna peninginum til umsiting.

Jóannes Eidesgaard skrivar soleiðis á sínum Facebook vanga í morgun:

Reyði Krossur Føroya, sum hevur um 200 sjálvboðin til ymisku virkisøkini, hevur eina evarska lítla umsiting. Á skrivstovuni eru tvey lønt fólk, men bæði arbeiða niðursetta tíð. Einasta lønarútreiðsla RKF hevur, er sostatt løn til tvey fólk í tilsamans 55 tímar um vikuna. Øll tey sjálvbodnu eru ólønt.

Nevdin í RKF er somuleiðis ólønt og fær heldur ikki fundarsamsýning. Hetta er eisini galdandi fyri formannin.

RKF hevur hin vegin nakrar aðrar rakstrarútreiðlur, tí felagsskapurin eigur fastar ognir og hevur leiguútreiðslur. Eisini hava vit ein buss, sum vit brúka, tá klæðir verða innheintaði kring landið.

Til hesar umisitingarútreiðslur, also lønir og rakstur av ognum, leiguhølum og bussi, so kunnu vit sambært egnum reglum taka upp til 7,5% í umsitingargjaldi av inntøkunum. Við øðrum orðum, um Landsinnsavningin gevur 1.000.000 kr,, so kann RKF í mesta lagi taka 75.000 kr til umsiting, meðan hinar 925.000 kr. fara óskerdar til hjálpararbeiðið.

Tá vit senda pening út í heim brúka vit netverkið hjá Reyða Krossi í Danmark. Men hesar upphæddir fara eisini óskerdar frá okkum. Danski Reyði Krossur tekur einki gjald fyri hesar tænastur. Tá vit eitt nú sendu 200.000 kr. til Bahamas í farnu viku, so fóru allar 200.000 kr til Bahamas.

RKF er ein sjálvstøðugur felagsskapur og er óheftur av Danska Reyða Krossi,. Vit eru fíggjarliga óheft av dønum og luttaka ikki í teirra rakstri, men hava annars eitt gott samstarv á nógvum ymiskum økjum. Hetta samstarv er skipað í einari sínamillum avtalu. Sama góða samstarv hava vit eisini við eitt nú Reyða Kross í Íslandi.

Vónandi kann hetta beina nakrar misskiljingar av vegnum.

Annars túsund takk fyri góðu udirtøkuna við Landsinnsavningina og túsund takk til tykkum á leið 400, sum gingu runt við bússum.

Jóannes Eidesgaard, formaður

Lýsing
Seinastu tíðindini
Stroyming: Dartkapping í Klaksvík
Rebekka vann bronsu í DM innandura
Trýggjar fittar grýlur á vitjan - tvær a…
KÍ hevur ongantíð vunnið stórsteypið
Video: Soleiðis fær Klakkur lagt endan i…
Reflex grýlurnar vunnu
Eldrasamkoma í Betesda fríggja­dagin kl.…
Brotsverk á Klaksvíkar bókasavni
Fýra KÍ-leikarar á kvinnu­landsliðnum
16.000 pund á 40 stampum
Stakkavík aftur av útiróðri við 12.200 p…
Ókendar leiðir 
Summar Festivalu­rin kunnger føroyskar bó…
Teir fáa lítlan svøvn fyri tíðina
Rakstrarúrslitið hjá Bakkafrost var 415…
Minningarorð um Havstein Ellingsgaard
Roktúrur hjá Norðsøka - avreiðir 18.000…
Leopardus og Svæn á Kjalarvegnum
Brandur 8.500 pund
Vinnarin av Klaksvíkskapping­ini vinnur n…