Nýggja økið, sum kommunan hevur gjørt kring standmyndina av Elinborg Lútzen, skal navngevast. Gøtunavnanevndin hevur skotið upp, at navnið verður “Klaksvíkstrøð”, tí hetta er einasta grøna økið, sum er eftir av gomlu Klaksvíkstrøðni. Mentanarnevndin hevur tikið einmælt undir við uppskotinum, og tí verður vantað, at hetta verður samtykt í kvøld.

Eitt annað mál, sum eisini er á skránni fyri fundin í kvøld, er staðseting av einari skjótibreyt í Klaksvík. Í málinum verður upplýst, at fundur hevur verið millum borgarstjóran, vinnu- og mentanarstjóran og ein av eldsálunum handan verkætlanina við skjótibreyt, har staðsetingin á Bumshamri varð umrødd. Nevndirnar taka undir við staðsetingini, og líkt er til, at hetta málið eisini verður stemma ígjøgnum á fundinum í kvøld.

Býráðsskráin kann lesast her. 

Býráðfundurin byrjar kl. 17.30, er almennur og kann stroymast her.