Lýsing
Mynd: Dávur Winther

Legg árar út og rógv út á Skálafjørðin

SKRIVAÐ: Frits Johannesen  |  06.10.2019 - 13:21 Mentan

Konsert í Løkshøll fríggjadagin, 4. okt kl 20:00

Kvinnukórið, Suð.

 

Legg árar út og rógv út á Skálafjørðin

og legg at við Løkshøll.

Far og lurta eftir vøkrum kvinnurøddum

og knávum jasstónleikarum -

øll í væl klæddum tónleika búna…

í út- og innsúgi,

sum setti sín dám á eina lyndrandi

tónleikastund bæði í sál og sinni

og í innastu lund.

 

Komu hesar vøkru sangrøddir

undan tí lívgandi skarðlendinum

í Norðoyggjum - við fjallarendur

úr malargróti væl greiddar og sniðgivnar

við vakrar, vatndrivnar strendur.

 

Komu inn á pallin so litríkar,

brosandi, inntonktar, hjómhvítar

reyðlittar, grønar, gulligar og væl dæmdar

í øllum ælaboga litum.

Eitt livandi listaverk,

sum setti seg í okkara innastu sál -

um ein ríkan, tónsettan vál.

 

Set teg á tína brík.

Sit í kyrru og njót

hesa ljómandi, onddrivnu kvirru

á sang rákaleið saman við

vøkrum songfuglakvinnum.

 

Hárlokkar stroyma sær í sangvindi

Í dur og mol í rýtmiskum seiðalygnum á sjónum -

aldudrivnum afturundirgerðum á vágni.

Út við sævarklett,

har vakra duni frá jasstónleika monnum

lata løtuna í ein

væl ílatnan, dreymfyltan einglanna

rýtmiskan frumgróður.

 

Allur hesin ljómur letur tína ond-

í rond og vond upp til

tær vøkru tónsettu fragdarløturnar

í lívsins spunatráði-

Solistarnir James Olsen og Guðrun Sólja Jacobsen

lótu solorøddir sínar

í eina so snøgga rás – í ein vónríkan,

livandi kærleikans ás.

 

Tú vart væl ílatin av Steinvør Fonnsa

dugnaligu kórleiðslu hondum -

livandi, ljómfyltu, hárlokkum,

sum livdu í tí litríka ljósinum,

sum spældi sær

millum durastav, vegg

kórsangara andlitabrøgd

og jasstónleika frumgróður.

 

Endi: Reyða hjólbøran

Alexandur Kritiansen týddi eftir William Carlos Williams

 

So nógv velst

um

 

Eina reyða hjólbøru

glinsandi

 

av vætu

millum

 

hvítan

flogfenað.

 

Heilsan Frits

 

 

 

 

Lýsing
Seinastu tíðindini
Nú ''byrjar'' kappingin hjá KÍ
Korona hevur ávirkað kappróðrarfyrireiki…
Dartfelagið nógv at gera á Norð­oyastevnu
Maskinsmiðir prógv á TSK
Tónleika­rundferð við Danny og Inga
Rókur Davidsen vann øll talvini
Stroyming: Dartkapping á Norð­oyastevnu
Heimið er, har hjartað er
Tónleika­rundferð við Danny og Inga í dag
FLEIRI KONSERTIR VIÐ DANNY OG INGA LEYGA…
Hjálparpakki 4 verður nú settur í verk!
Poul Mohr (21.08.1929  - 16.06.2018) - f…
Norð­oyastevnan í dag
Neytabúffar av Sandi á Norð­oyastevnu
KÍ kann fara frá hinum
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…
Ráðstevnan ið kostaði 250 tús. kr.