Fyri løtu síðani tosaðu vit við Peter Joleiv Svøðstein, skipara á Líðhamri. Hann segði okkum, at týsdagin avreiddu teir 15.500 pund, mikudagin 11.500 pund og í dag 11.500 pund. Størra helvtin av fonginum var hýsa, restin toskur.

Brandur - Janus Sørensen, skipari á Brandi segði at teir hava havt trupulleikar við frystarínum. Tá vit komu til frystaríið, var ongin kuldi á og 11 hitastig inni, so hesar trýggjar dagarnar hava vit havt at kalla rotið agn. Týsdagin høvdu vit 8.000 pund, mikudagin 5.800 pund og í dag 7.500 pund. Men nú eru vit so lidnir við agnið sum hevur verið goymt uttan kulda.

Vit hava ikki fingið fatur á Oddmari Niclasen frá Bragd, men á FMF hevur Bragd givið upp 13.500 pund í dag. Somuleiðis hevur Stakkavík givið upp 6.100 pund í dag.

Norðsøki og Kallanes eru vestanfyri, teir hava vit ikki fingið fatur á.