Tað er frammanundan greitt, at Simen Sandmæl, Torbjørn Grytten, Darius Lewis og Semir Hadzibulic ikki halda fram í KÍ. Og nú kann eitt navn leggjast afturat listanum. Magnus Stamnestrø, ið misti FM-finaluna við heilaskjálvta, heldur ikki fram í felagnum, hava vit fingið upplýst frá KÍ.

Magnus er úr Noregi og spældi 9 dystir fyri KÍ í ár. Hann skoraði eitt mál og legði upp til trý mál. Hann var leigaður frá Ranheim úr Noregi.